Posted by: 2ala2 | مايو 8, 2007

نداء….ام المريله الكحلى

اشكر الله  اولا ومحمد منير ثانيا

نداء ……..

بجد مش عارفه احكى عنك

انتى اجمل من انى احكى عنك

بس بجد بحبك ……وبلاقى نفسى فى حضنك

نداء….. يا احلى بنوته لبست مريله كحلى  

“نداء….احلى بنت لبست مريله كحلى “

..اكبر منى بسنه…. واحلى منى بسنين

انا مش هعرف اقول حاجه بس عارفه ان انتى عارفه وعلى فكره لما كتبت لمصر كنت حاسه انى بكتب الكلام ده وانتى سامعانى علشان كده ههديلك اللى كتبته لمصر

لما ياخدنى حنينى ليكى

واسرح كدا فيكى

وارسم اسمك على ايدى

وعلى قلبى

وعلى حلمى

واحب الدنيا بيكى

احس انى

بحبك

بحبك

بحبك

يا مصر

وبحبك يا احلى نداء

أرسلت فى انا ودماغى

« ليه كدا يا مصر؟؟
قصه كل يوم »

Responses

حبك لمصر يا سلمى شيء فطرى و دى حاجة عايزك تخافظى عليها لانها كياننا و حياتنا ولكن لما البلد بتغرق الواحد مش عارف يعملها ايه . جميل جدا الواحد يعيش هيمان فى حب حاجة فى ناس بتعيش هيمانة فى الحبيب و فى ناس تعيش هيمانة فى حب الله و فى ناس تعيش هيمانة فى حب الوطن ده شىء جميل و تستحضرنى كلمات الشاعر سيد حجاب فى اغنية هدى عمار عن مصر:
حبيبتى من ضفايرها طل القمر
و بين شفايفها ندى الورد بات
ضحكتها بتهز الشجر و الحجر
و حنانها بيصحى الحياة فى النبات
حبيبتى بتعلمنى أحب الحياة
من حبى فيها حياتى شمس و ربيع
و الحب فى الدنيا دى طوق النجاة
لولاه يضيع قلبى المحب الوديع
يا حلوة يا بلدنا .. يا نيل سلسبيل
بحبك انتى رفعنا راسنا لفوق
لو الزمن ليل .. ما يرهبنا ليل
شوقنا فى عروقنا يصحى شمس الشروق
للحلوة قلب كبير يضم الولاد
وزاد و زواده و ضلة و سبيل
الموت و الاستشهاد عشانها ميلاد
و كلنا عشاق ترابها النبيل
حبيبتى من تنهيدها حن الوتر
غنت سحر صوتها الشجر و النخيل
وتعلم النجم البعيد السهر
و ساب سماه و سرح فى موجك يا نيل
حبيبتى بتعلمنى احب الحياه
شموسة صافية نورها ماينطفيش
و الحب فى الدنيا دى طوق النجاة
و نعيشه حتى ان متنا ليها نعيش
وانا بكتب كلمات الاغنية نزلت معاها من عينى دمعة رغرغت فى عينى و خلتنى مش شايف الشاشة كان نازل عليها مطر غزيرفى حب البلد دى. انا مش وطنى اوى بس حب البلد دى اتولد معايا بس لما اموت مش هايموت
لان الحب عمره مايموت .
امن غانم
القاهرة ghanem_955@hotmail.com

By: ايمن غانم on مايو 9, 2007
at 8:20 ص

عارفة يا سلمى احلى وقت لمصر امتى على النيل وقت العصرية ضوء الشمس بيبقى تحفة الوقت ده بيبقي تقريبا نص ساعة فى الوقت ده كل حاجة بتبقى جميلة الشوارع و الناس و النيل و العمارات و الدنيا كلها انا لفيت العالم كله سافرت اوروبا كلها مافيش اطعم من البلد دي ليها طعم تانى كفاية انك فى الشارع تتكلمى مع اي حد ممكن يهرج معاكى بخفة دم مش موجودة فى العالم كله . ذكرايتنا فيها مالهاش نهاية . انا فعلا بحب مصر
ايمن غانم
القاهرة
ghanem_955@hotmail.com

By: ايمن غانم on مايو 9, 2007
at 9:01 ص

صباح الخير يا سلمى السيات بتاعك اصبح شىء ضرورى جدا لي فى طقوس الصباح بتاعتى ارجوكى ان تستكملى مدوناتك الرائعة فهى فعلا رائعة و مؤثرة جدا و اخيرا و ليس اخرا صباح الخير عليكى
ايمن غانم
القاهرة
ghanem_955@hotmail.com

By: ايمن غانم on مايو 10, 2007
at 8:48 ص

الى مراسلنا من القاهرة الاستاذ ايمن غانم مشجع الانسة سلمى المثابر الدؤوب ياريت يكون الموضوع تشجيع بس مش حاجة تانية سورى بس حاسس ان اسلوبك متكلف وكمان مصر مش ام الدنيا ولا هى اللى حلوة اوى كده بلد زى اى بلد بس احنا طالعين بيها السما تعويضا عن انحطاطها وانا عن نفسى باحب مصر لان فيها ناسى مش اكتر باىىىىىى

By: عيب عليك on مايو 10, 2007
at 11:39 م

صباح الخير ياسلمى
أجمل مافي مصر الشعب المبتسم دائما وعساها دوم يارب تدوم لهم..أعشقها حتى ولو لم أزرها ولكن يجب أن يكون هناك لها زياره في يوم ما.

By: Exiled on مايو 13, 2007
at 5:58 ص

ردا على السيد (عيب عليك ) مصر اكبر من تقول انت رايك فيها اولا ؛ ثانيا انا اشجع الشباب اللي بيكون لهم هدف بيحبوا حاجة و يعيشوا عشان الحاجة دى سواء انا كانت بلد ؛ امراءة ، رمز من رموز التاريخ المهم ان يكون ليك حاجة متعلق بيها فى الدنيا ؛ هى البنت بتحب مصر و تعشقها ، انت عايش عشان ايه دور على حاجة غالية فى نظرك تعيش عشانها بدل ما تهاجم الناس اللى فى حالها اللى مش عايزة منك حاجة الا بس تسيبعا فى حالها منغير تجريح . مصر بلد مش منحطة و لا شعبها منحط دي كيان كبير قوى لانا و لا انت نقدر نهز شعرة فيه . ده تاريخ يابنى مش حاجة هايفة ، دى مش فيلم و لا اغنية تقول عليه منحطة او محترمة . البلد دي فى ناس فيها استشهدت و اتزلت عشان انت و انا نعيش فى الحياة العز اللى احنا فيه . بدعيلك ربنا يكرمك و يسامحك . اخوك الكبير . ايمن غانم

By: ايمن غانم on مايو 13, 2007
at 3:52 م

بصراحه مصر ام الدنيا انا مش مصريه بس بحب مصر بالرغم من اني منزلتهاش ولا مره
بس بحبها وبحب شعبها ومفيش بلد زي بعض كل بلد بتختلف لها مميزاتها لها مكانتها ولو انت شايف سلبيات
تكره الناس فيها عالفاضي ليه.؟؟؟؟؟
اشكركم جميعا

By: ايمان on مايو 20, 2007
at 2:26 م

مصر الكنانة قول رسول الله عليه الصلاة و السلام و شىء جميل ان يكون للانسان وطن او بلد ينتمى اليه . بمعنى لما اقول انا مصرى يعنى ليا الشرف انى انتمى لبلد زى دى . اولا لان مصر له كيان خاص به يعنى بمعنى هو عربي و افريقي لاظروف الحالية بس فيه حاجة واحد لا تتغير ( مصر) اسال اي حد فى الدنيا اساله ايه هي مصر . هايقولك مصر الفراعنة . مصر النيل . مصر الاهرامات . مصر الاديان كلها . مصر الشعب ابو دم خفيف. مصر الرجالة الجدعان . مصر بلد المراءة الجميلة الجدعة . مصر الطبيعة الجميلة فى الريف و البحر و النيل . مهما قلت مش اتوقف عن الكلام كفاية انى بافخر انى مصرى مهما كانت الظروف .
ايمن غانم
القاهرة

By: عاشق ترابها on يونيو 3, 2007
at 8:44 ص

what is the branche you want tochoose at the next year?ithink to join to cairo but idonot decide the branche that iwant

By: DINA SAFWAUT on يونيو 19, 2007
at 10:59 م

انتى فين؟؟؟؟؟؟؟؟؟ وايه الغيبة دى كلها فى ناس حبيت اسلوبك وشخصيتك الافتراضية عيب عليكى تنسينا كده يا باشمهندسة مستنيكى يا جميل باىىىىىى

By: بجد زهقت on يوليو 1, 2007
at 5:28 م

انا اسفه جدا انى مابدخلش لان فيه مشاكل فى النت عندنا وبعدين الكومبيوتر عطلان بس ربنا يسهل واقدر ادخل
انا اسفه جدا لكل اللى دخلوا وماقدرتش ارد عليهم بس انا راجعه ان شاء الله

By: قلقانه on يوليو 6, 2007
at 2:54 م

مساء الخير يا سلمى
كلنا منتظرينك .. الكومبيوتر وسيلة لنقل احساساتك الرقيقة و اسلوبك الساحر فى الكتابة ارجوكى تستكملى لانك بتعبرى عن نفسك وو عن ناس كتير بتمر بنفس المواقف بس مابتكونش عارفة تعبر عن احساساتها اهم حاجة انك تكونى بخير و طمنينا عليكى دايما.
ايمن غانم
القاهرة

By: عاشق ترابه on يوليو 9, 2007
at 4:13 م

اسف على ال spelling mistake انا عاشق ترابها
ايمن غانم
القاهرة

By: عاشق ترابها on يوليو 9, 2007
at 4:15 م

سلمى ازيك ؟انا هاني زميل الدراسة ,المهم اية حكاية الجماعة اللى معبروش نداء دول ,,,, طب انا عايز اقول ان انا بشكرها على انها عرفتني عليكي وفاكر فرحتها بيكى ومبروك النجاح وعقبال ما اقابلك ويكون الجهاز جتهز وسليم…….(تعقيب استنوا نداء يا جماعة حاجة حقيقية وزى العسل وبحبها وبتحبني وبحبك وبحب عامر وماما وبابا وجميع القائمين على المدونة واحب اسمع اغنية عدى النهارلحد ما اقابلك يام فيزيا)

By: amer&hani on أغسطس 14, 2007
at 8:53 م

سلمى ازيك …انا نداء…انا اتاخرت جدا فى التعليق على البوست اللى بعتبرة من اجمل الهدايا اللى جاتلى فى حياتى بس نقدر نقول ان عمك هانى شجعنى انى اعلق ,مانتى عارفه انة سباق بالخير دايما,فاكر احنا اتقبلنا ازاى على غنوة الملك الليلة يا سمره وكانت ليللة بحق ياسمرة…فاكرة كنالقين بعض ازاى وازاى كانت فرحتنا انة اخيرا ان اللى كان فصلنا سلم وبابين1…سلمى بجد ارجعى لوفاكرة ان رجوعك مشمهم تبقى … ولا بلاش اشتم احنا علىالهوا بس بجد تبقى غلطانة لوكلامك لمس انشالله حد واحد بس وطلعت تنهيدة كده من قلبة دة تاثيره ايه ,انك تنورى لحد لمبتة ولو لدقايق1,ان دهكفاية انك ترجعى وانتى عارفه انى مقصدش الجهازعلى ميتصلح انا قاصدى على حاجه تانيه هى اللى تتصلح ….مستنينك….فل

By: nedaa on أغسطس 21, 2007
at 11:10 م

ازيك يا سلمى انا كنت عايز اقول ان الدنيا دي عاملة زى السحة الكبيرة و فيها ناس كتير اوى محدش عارف مين هايقابل مين و مين هيحب مين وم مين هيكره مين و مين هيجرح مين . باى طريقة كانت هذه المقابلة ز. اما وحها لوجه او تليفون او انترنت المهم الناس تحس . الاحساس اهم شيء لو فقدنا الاحساس . هنبقي حيوانات بتاكل و تشرب و تنام و تتجوز و بس.الاحساس متعة الانسان اللى بيتميز بيه عن جميع المخلوقات. ابحثوا حن الاحساس و دوروا عليه فعلا حتحسوا انكم بنى ادمين بجد . عودى يا سلمى . احساسك نادر الوجود ارجوكى رجعيلنا ادميتنا و حشتنا اوى

By: عاشق ترابها on أغسطس 28, 2007
at 9:56 ص

انا اهووووووووووووووووووه
انا مش عارفه اقول ايه
انا عارفه ان انا غلطاته انى مابدخلش
ولولاكى يا نداء يمكن ماكنتش هدخل خالص
عموما انتى واحشانى جداااااااااااااااااااااااااااااااا
ازيك يا هانى كل سنه وانت طيب والسما ماطلعش فيها قمرين بس مش مشكله
اغنيه عدى التهار هى اللى بتسلم عليك
بالنسبه لكل اللى بيدخلوا المدونه انا فعلا ااااااااااااااسفه وادينى بحاول ادخل
ربنا يخليكوا ليا
سلام

By: قلقانه on أغسطس 28, 2007
at 5:46 م

الحمدلله الحلوة اتكلمت وسلمى نطقت ,هى طلبت منى اوصل رساله هى انها اتاخرت فى الرد ولما ردت كان ردها قصير لكن ده بسبب الماسوف على عمره الكومبيوتر بتعها مخربأ شوية ولما صلحت الجهاز اخيرا لقيت فى مشكله فى النت ربنا يتولها هى وجهازها,هي انشاءالله راجعه تانى قريب جدا انا متاكده ان عندها خزين جامد جدا ترجع بيه هى طلبت منى انى اشكر عاشق ترابها انة لسه فاكرها وبيدخل على مدونتها زى مانفسها ان الكل يكون فاكرها انا عارفه انى رغايه شويه بس والله يا سلمى لافضل وراكى لغاية ماترجعى ويانا يانتى وانتى عارفة مين اللى هيكسب الليله انتى واحشتينى اوووووىىىىى ونفسى الدراسه تيجى علشان اشوفك

By: nedaa on أغسطس 28, 2007
at 8:35 م

رمضان كريم للدنيا كلها و يا رب يغفرلنا كلنا و يبداء بينا رمضان صفحة جديدة مع ربنا
كل سنة و انتم طيبين
ايمن غانم

By: عاشق ترابها on سبتمبر 9, 2007
at 8:34 ص

Leave a response






Your response:

التصنيفات